Yəməndə təhlükəsizlik qüvvələri hökumətə qarşı etirazçılara və müəllimlərə atəş açaraq iki nəfəri öldürmüş bir neçəsini yaralamışlar. Şahidlərin və tibb işçilərinin dediklərinə görə, təhlükəsizlik qüvvələri bu gün səhər Taizdə keçirilən yürüşün qarşısını almaq üçün həmin şəhərə daxil olublar. Bu gün keçirilən yürüşdə maaşlarının artırılmasını tələb edən müəllimlər də iştirak ediblər. Üç nəfərin ağır yaralandığı deyilir. Yanvar ayından bəri Yəməndə hökumətə qarşı keçirilən nümayişlərdə 140-dan çox insanın öldürüldüyü bildirilir.
Yəməndə təhlükəsizlik qüvvələri nümayişçilərə atəş açıb
- Nərminə Cəlalqızı
