Yəməndə nümayişçilər snayper atəşinə tutulub

Yəməndə hökumət əleyhinə nümayişlər zamanı snayper atəşi nəticəsində 7 adamın yaralandığı bildirilir. Hadisə bu gün Taiz şəhərində prezident Əli Abdulla Salehin müxalifətin istefa tələbini rədd etməsindən bir gün sonra baş verib. Saleh müxalifəti “alovla oynamamağa” çağırıb. Preziden Yəmən ordusunun baş verənlərə biganə qalmayacağı barədə xəbərdarlıq verib. Əli Abdulla Salehin çıxışı minlərlə opponentin yürüşləri ilə müşayiət edilib. Şahidlərin dediyinə görə, təhlükəsizlik qüvvələrinin müayişçiləri atəşə tutması nəticəsində 3 nəfər həlak olub, onlarla insan xəsarət alıb.