Bakının Xətai rayonu ərazisində 2 zenit top mərmisi tapılıb
Bu barədə Fövqəladə Hallar Nazirliyinin məlumatında bildirilir.
Məlumata görə, top mərmilərindən biri təlim-tədris təyinatlı, digəri isə döyüş tətbiqinə yararlı olub.
Qurum Xüsusi Riskli Xilasetmə Xidmətinin müvafiq xilasetmə qüvvələri hadisə yerinə getdiyini bildirir.
Silah-sursatın zərərsizləşdirilməsinə Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANAMA) mütəxəssisləri də cəlb olunub, məlumatda deyilir.
Mərmilər zərərsizləşdirilməsi üçün ANAMA-nın mərkəzi məhvetmə ərazisinə daşınıb.
