Bakıda insanlar Türkiyədə zəlzələ qurbanlarına ictimai yardım kampaniyasına başlayıb.
Amerikanın Səsinin müxbiri fevralın 7-də yardım kampaniyasının keçirildiyi “Doğtaş” mebel mağazasından verdiyi məlumata görə, minlərlə insan mağazaya on tonlarla zəruri məhsullar - yataq, geyim ləvazimatları, generatorlar, ərzaq məhsulları, təmizlik vasitələri təhvil verib.
İnsanlar o qədər çox yardım gətirib ki, mağazanın anbarları bəs etmir. Hazırda yüksəktonnajlı TİR-lər vasitəsi ilə yardımların Türkiyəyə yola salınması başlayıb.
Həmçinin yerli banklarda Türkiyəyə yardım məqsədi ilə pul vəsaitlərinin toplanması kampaniyası davam etdirilir.
