Bu gün bazar ertəsi, yanvarın 29-da İranda kəskin şəkildə pisləşən dolanışıq şəraitinə etiraz aksiyaları keçirilib, telekommunikasiya şirkəti təqaüdçüləri Azərbaycanın bəzi şəhərləri də daxil olmaqla, ölkənin bir sıra şəhərlərində piket keçirib.
Telekommunikasiya şirkətinin təqaüdçüləri İranın vilayətlərinin mərkəzlərində etiraz aksiyaları keçirərək, ölkədə ədalətsizliyə, ayrı-seçkiliyinə və vəzifəli şəxslərin səriştəsizliyinə qarşı şüarlar səsləndiriblər.
Sosial mediada yayımlanan video-görüntülər və şəkillərə əsasən, təqaüdçülər ənənə halına gətirdiyi həftəlik etiraz aksiyalarını Təbriz, Urmiyə, Ərdəbil, Sənəndəc, Kirmanşah, Tehran, Ərak, Rəşt və Əhvaz şəhərlərində keçirib və qanuni hüquqlarının yerinə yetirilməsini tələb ediblər.
Ərdəbildə təqaüdçülər Telekommunikasiya İdarəsinin qarşısında toplaşaraq, fars dilində “bir mənimsəmə azalsa, problemimiz həll olacaq” və "bacarıqlı adam yerinə bir hərbi şəxs oturub" şüarları səsləndiriblər.
Şərqi Azərbaycan vilayətinin mərkəzi Təbrizdə isə təqaüdçülər şəhərin Telekommunikasiya şöbəsi binasının qarşısında toplaşaraq şüarlar səsləndirib. Onlar "qanunların qüvvəyə minməsi bizim haqqımızdır" və "yüksək qazanc sahibi şirkətin başına nə gəldi" şüarları səsləndirib.
İranın digər şəhərlərində eyni vaxtda keçirilən etiraz aksiyalarında təqaüdçülər səsləndirdikləri şüarlarında ağır məişət vəziyyətinə diqqət çəkiblər. Yayımlanan video-görüntülərdə Kürdüstan vilayətinin mərkəzi Sənəndəc şəhərində etirazçı təqaüdçülərin “bahalıq, inflyasiya, insanların həyatının bəlası” və "zülm və korrupsiyaya qarşı ittihad İttihad" şüarlarının səsləndirildiyi müşahidə olunub.
Ağır həyat şəraiti, kifayət qədər maaş və tibbi sığorta imkanlarının olmaması səbəbindən yüksək qiymətlər və inflyasiyadan olduqca mənfi təsiri alan Telekommunikasiya Şirkəti təqaüdçüləri hər həftə inzibati binanın qarşısında etiraz aksiyaları təşkil edir. Onlar qanuni tələblərinin yerinə yetirilənə qədər aksiyalarını davam etdirəcəklərini bildirirlər.
Forum