“Dağlıq Qarabağ münaqişə zonasında uçan pilotsuz aparatlardan istifadə təxribatdır. Tərəflər gərginliyi azaltmalıdır”. Bu bəyanatla ATƏT-in Minsk qrupunun amerikalı həmsədri Ceyms Uorlik Twitter səhifəsində çıxış edib.
Azərbaycan Müdafiə Nazitrliyinin mətbuat xidmətinin məlumatına görə , yanvarın 29-da Ermənistan-Azərbaycan cəbhəsinin Ağdam rayonu istiqamətində Azərbaycan Silahlı Qüvvələrinin mövqeləri üzərində Ermənistan Silahlı Qüvvələrinə məxsus pilotsuz uçan apparat Azərbaycan Ordusu tərəfindən vurulub.Bundan öncə, 2014-cü il noyabrın 12-də isə cəbhənin həmin istiqamətində Ermənistanın hərbi helikopteri Azərbaycan Silahlı Qüvvələri tərəfindən vurulub.
Ermənistan tərəfi pilotsuz aparatının vurulması ilə bağlı xəbəri təsdiq etməyib.