İraq prezidenti Cəlal Talabani: Siyasi partiyalar ABŞ əsgərlərinin ölkədə mövcudluğu ilə bağlı qərar verəcək

İraq prezidenti Cəlal Talabani deyib ki, ölkənin siyasi partiyaları dekabrın ayından sonra da ABŞ hərbi qüvvələrinin ölkədə mövcudluğu mələsələsi ilə bağlı qərarı iki həftə ərzində verəcək. Cənab Talabani bunu bu gün Bağdadda siyasi partiya nümayəndələri ilə görüşdən sonra verib. İraqda hazırda Amerikanın 45 min nəfərdən ibarət əsgəri qüvvəsi var. Vaşinqton və Bağdad arasında razılığa görə, dekabrın 31-ə qədər ABŞ hərbi qüvvələri İraqdan çıxarılmalıdır. Lakin həm ABŞ, həm İraq rəsmiləri Bağdadın əsgəri qüvvə ölkədən çıxarıldıqdan sonra təhlükəsizliyə nəzarət etmək qabiliyyəti ilə bağlı narahatlığını ifadə edib.