İraq rəsmilərinin bildirdiyinə görə, paytaxt Bağdadın spirtli içkilər mağazasını hədəf alan hücum nəticəsində 3 polis işçisi həlak olub, 14 nəfər yaralanıb. Rissala məhəlləsindəki mağaza yaxınlığında birinci bomba dünən gecə, ikincisi isə polisin hadisə yerinə gəldiyi vaxt işə düşüb.
Hadisə İraq rəsmilərinin ABŞ qüvvələrinin ölkədə qalıb-qalmaması məsələsini nəzərdən keçirdikləri vaxt baş verib. Həm ABŞ, həm də İraq rəsmiləri İraqın təhlükəsizliyi təmin edə bilməsinə dair narahatlıqlarını dilə gətiriblər.
