Dünya kuboku çərçivəsində bu gün Hollandiya komandası Yaponiyaya 1-0 hesabı ilə qalib gələrək 16-da bir final mərhələsinə keçmək üçün şanslarını daha artırıb. 53-cü dəqiqədə Vesli Şnayderin vurduğu qolla Hollandiya iki oyundan iki qalibiyyətlə E qrupunda liderliyini qoruyub. Məğlubiyyətə baxmayaraq Yaponiya 3 xalla qrupda 2-ci yerdə qərarlaşıb. Qrupun ikinci oyununda bu gün Kamerun və Danimarka komandaları qarşılaşacaq. D qrupu çərçivəsində keçirilən Qana-Avstraliya 1-1 hesabılə bərabərə yekunlaşıb. Hazırda qanalılar D qrupuna liderlik edir.
Bu arada qəzəbli azarkeşin Əlcəzairlə oyundan sonra İngiltərə komandasının soyunub-geyinmə otağına necə daxil olması barədə Cənubi Afrika polisi təhqiqata başlayıb. FİFA sözçüsü deyib ki, artıq stadionda təhlükəsizlik tədbirləri gücləndirilib və belə bir hadisə bird aha baş verməyəcək.
