Cənubi Koreyada qərargahlanan dörd müqavimət qrupu ərzaq və başqa əşyalarla yüklənmiş dörd hava balonunu Şimali Koreya səmalarına göndərib.
Şimali Koreya Xalq Azadlıq Cəbhəsi İnçeon liman şəhərindən Şimali Koreyaya hava balonları göndərən üç qrupa qoşulduğunu elan edib.
Müqavimət hərəkatının üzvləri 20 iri hava balonuna müxtəlif növ yeməklər, tortlar, kompakt disklər və məlumat broşürləri qoyublar.
Şimali Koreya hava balonlarına sərt etiraz edərək Cənubi Koreyanı artilleriya atəşinə tutmaqla hədələyib. Kommunist dövləti bu hərəkəti özünə qarşı təxribat kimi qiymətləndirir və bunun müharibəyə gətirib çıxaracağına dair xəbərdarlıq edir.
