İran prezidenti Mahmud Əhmədinejad İnqilab Qvardiyasının komandirini ölkənin neft naziri vəzifəsinə təyin edib. Cənab Əhmədinejad iyun ayından bəri neft naziri vəzifəsini icra edən Rüstəm Qaseminin təyinatı barədə açıqlamanı bu gün verib.
Birləşmiş Ştatlar keçən il Qasemiyə və hərbi qüvvələrə yardım edən dörd inşaat şirkətinə qarşı sanksiyalar tətbiq edib. Dövlət Departamenti həmin şirkətlərin İranın kütləvi qırğın silahları istehsalına və terrorçulara yardım etdiyini deyib.
