Fransanın səhiyyə rəsmilərinin bildirdiyinə görə, ölkənin şimalında E-Koli bakteriyasına tutulan 7 uşaq xəstəxanaya aparılıb. Uşaqlardan beşinin dondurulmuş mal ətindən hazırlanmış börger yediyi deyilir. Bu gün açıqlanan məlumatda rəsmilər Fransada uşaqların tutulduğu e-Koli bakteriyasının Almaniyada 39 nəfərin ölməsi, 3 300 nəfərin zəhərlənməsinə yol açan bakteriya ilə heç bir əlaqəsi olmadığını deyirlər. Ən kiçiyi 20 aylıq olan 7 uşaq dünən və bu gün xəstəxanaya Fransanın Pas de Calais regionundan aparılıb.
