Accessibility links

Xameneyinin İran Azərbaycanındakı nümayəndələri seçkilərlə bağlı birgə bəyanat verib


İranın ali dini lideri Seyyid Əli Xameneyinin Şərqi Azərbaycan, Qərbi Azərbaycan, Ərdəbil və Zəncan vilayətlərindəki nümayəndələri birgə bəyanat yayaraq vətəndaşları iyunun 18-də keçiriləcək prezident seçkilərində sandıq başına getməyə dəvət ediblər.

Seyyid Məhəmmədəli Ali-Haşim, Seyyid Mehdi Qureyşi, Seyyid Həsən Amili və Əli Xatəminin imzaladığı bəyanatda yazılıb ki, “biz iyunun 18-də İnqilabın ulu və müdrik liderinin çağırışını qəbul edərək, Allaha yaxınlaşmaq niyyəti ilə sandıq başına gedib və səs verməklə müasir müşriklərin başındakı Qərb İmperializminin gözünə zillət torpağı atacağıq.”

Ali-Haşim, Qureyşi, Amili və Xatəmi Seyyid Əli Xameneyinin vilayətdəki nümayəndəsi olmaqla birlikdə müvafiq olaraq Təbriz, Urmiyə, Ərdəbil və Zəncan şəhərlərinin cümə imamlığı vəzifəsini icra edirlər.

Prezident seçkilərindən aylar öncədən İran Azərbaycanı və türklərin yaşadığı digər bölgələrdə seçici fəallığını yüksəltmək üçün müxtəlif kampaniyalar yürüdülür.

Keçən həftələrdə İran televiziyasından yayımlanan seçki debatlarında namizədlərin dəfələrlə türk icmasından səs istəməsi və bəzi namizədlərin bir neçə kəlmə türkcə danışması hələ də İran mediası və siyasi mühitlərində müzakirə mövzusu olmaqda davam edir.

Bəzi ekspertlərə görə, İslam Respublikası seçkilərdə iştirak səviyyəsini yüksəltmək üçün “İranın ən böyük kimlik qrupu olan türkləri” sandıq başına çəkmək üçün xüsusi cəhd göstərməkdədir. Ekspertlər həmçinin hesab edir ki, İran hakimiyyəti türk icmasının seçkilərdə yüksək iştirakını təmin edərək Türkiyə və Azərbaycan Respublikasına da mesaj göndərmək istəyir.

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG