Accessibility links

RATİ-nin əməkdaşı Bakı aeroportunda saxlanılıb

Reportyorların Azadlıq və Təhlükəsizlik İnstitutunun (RATİ) əməkdaşı Əbülfət Namazovun avqustun 31-də ölkədən çıxmasına imkan verilməyib.

RATI-nin twitter səhifəsində yayılan məlumata görə jurnalist proqramda iştirak etmək üçün ABŞ-a gedərkən Bakı aeroportunda saxlanılıb.

Sərhəd nəzarətini keçərkən ona bildirilib ki, ölkədən çıxışına qadağa qoyulub və o geri qayıtmalı olub.

Ötən həftə Ə.Namazov Baş Prokurorluğun Ağır Cinayətlərə dair İşlər üzrə istintaq İdarəsində yerli və xarici QHT-lərin işi üzrə şahid kimi dindirilib.

Lakin jurnalistə ölkədən çıxışına qadağa qoyulması barədə xəbərdarlıq edilməyib.

Ə.Namazov Gürcüstan vətəndaşıdır.

İyulda RATİ-nin hesabı dondurulub. Avqustun 8-də qurumun ofisində axtarış aparılıb, avqustun 11-də ofis möhürlənib.

O vaxtdan RATİ əməkdaşları prokurorluğa dindirilməyə çağırılır.

Avqustun 8-dən RATİ-nin rəhbəri Emin Hüseynovun taleyi məlum deyil.

XS
SM
MD
LG